ໄທ ຊຸກຍູ້ການເປີດກວ້າງ ການສົ່ງອອກເຂົ້າສານໃຫ້ ຈີນ
ອີງຕາມຂ່າວສານ ຊີອາໄອ ຂອງຈີນ ລາຍງານໂດຍອ້າງອີງຂ່າວຈາກໜັງສືພິມບາງກອກໂພສຂອງ ໄທ ໃຫ້ຮູ້ວ່າ: ໃນວັນທີ 13 ມີ
ນາ 2024 ຜ່ານມານີ້, ໄທ ມີແຜນຈະເປີດກວ້າງການສົ່ງອອກເຂົ້າສານໃຫ້ ຈີນ ແລະ ເຂດບໍລິຫານພິເສດຮົງກົງຂອງ ຈີນ. ກ່ອນໜ້ານີ້,
ສື່ມວນຊົນໄທ ໄດ້ລາຍງານວ່າ: ລັດຖະບານໄທ ໄດ້ວາງເປົ້າໝາຍທີ່ຈະສົ່ງອອກເຂົ້າສານທີ່ມີປະລິມານທັງໝົດ 7,5 ລ້ານໂຕນພາຍໃນ
ປີນີ້ ເພື່ອຊຸກຍູ້ການສົ່ງອອກໃຫ້ຈີນ. ນອກນີ້, ໄທ ຍັງມີແຜນຈະສ້າງສູນຈຳໜ່າຍເຂົ້າສານແຫ່ງໜຶ່ງຢູ່ນະຄອນເສີນເຈີ້ນຂອງ ຈີນ.
ຕົວເລກຂໍ້ມູນຈາກເວັບໄຊທ໌ ສະມາຄົມຜູ້ສົ່ງອອກເຂົ້າສານໄທ ສະແດງໃຫ້ເຫັນວ່າ: ປີ 2023, ການສົ່ງອອກເຂົ້າສານຂອງໄທ ໃຫ້
ຈີນ ໄດ້ບັນລຸຫຼາຍກວ່າ 4,7 ແສນໂຕນ, ສ່ວນເຂົ້າສານທີ່ສົ່ງອອກໃຫ້ເຂດບໍລິຫານພິເສດຮົງກົງ ຈີນ ໄດ້ບັນລຸຫຼາຍກວ່າ 1,5 ແສນໂຕນ.
ຈີນ ແມ່ນຈຸດໝາຍປາຍທາງຂອງການສົ່ງອອກເຂົ້າສານອັນດັບ 3 ຂອງ ໄທ, ສ່ວນເຂດບໍລິຫານພິເສດຮົງກົງຂອງຈີນ ແມ່ນຢູ່ໃນອັນດັບ
ທີ 13.
ໜັງສືພິມບາງກອກໂພສຂອງໄທລາຍງານວ່າ: ເຂົ້າສານຫອມມະລິຂອງໄທ ແມ່ນຜະລິດຕະພັນຕົ້ນຕໍໃນການສົ່ງອອກດ້ານການກະ
ສິກຳຂອງໄທ ມາໂດຍຕະ ຫຼອດ. ໄທ ເລັງເຫັນໄດ້ໃນຄວາມຕ້ອງການຂອງຕະຫຼາດຈີນ ຕໍ່ເຂົ້າສານທີ່ມີຄຸນນະພາບສູງ ແລະ ຈະຊຸກຍູ້
ການເປີດກວ້າງການສົ່ງອອກເຂົ້າສານໃຫ້ຈີນຢ່າງຕໍ່ເນື່ອງ.
ແຫຼ່ງທີ່ມາ: ໜັງສືພິມກອງທັບ
ວັນທີ 21/03/2024